ԳՇ նոր պետ կունենա՞նք. գերատեսչություններից մեկնաբանում են

168.am-ը գրում է, որ ըստ իրենց տեղեկությունների՝ ԳՇ-ում ճամպրուկային տրամադրություններ են, ԱԻ նախարար Անդրանիկ Փիլոյանին նշանակելու են ԳՇ պետ, ԱԻ նախարարի պաշտոնում նրան կփոխարինի Արմեն Փամբուխչյանը, որն այս պահին փոխնախարարի պաշտոնն է զբաղեցնում:

Հիշեցնենք, որ մի քանի օր առաջ 168.am-ը գրել էր, որ ՀՀ Պաշտպանության նախարարությունում քննարկվել է Գլխավոր շտաբի պետ Արտակ Դավթյանին ազատելու և նրան մեկ այլ գեներալով փոխարինելու հարցը:

Аuroranews.am-ը կապ հաստատեց Արտակարգ իրավիճակների նախարարության հետ, որտեղից հերքեցին լուրեը` նշելով, որ այս տեղեկությունը շուրջ մեկ շաբաթ է շրջանառվում է, սակայն, իրականության հետ որևէ աղերս չունի: 

Կապ հաստատեցինք նաև ՀՀ նախագահական, որտեղից էլ հայտնեցին, որ այս պահի դրությամբ ԳՇ պետ Արտակ Դավթյանի ազատման, կամ ԱԻ նախարար Անդրանիկ Փիլոյանին այդ պաշտոնում  նշանակելու մասին որևէ միջնորդություն նախագահականը չի ստացել: