ԱԳՆ շենքի մոտից բերման է ենթարկվել 13 անձ. Ոստիկանություն
Այսօր Արտաքին գործերի նախարարության մոտից ոստիկանություն բերման է ենթարկվել 13 անձ։ Այս մասին Tert.am-ի հետ զրույցում հայտնեցին Ոստիկանության լրատվության վարչությունից։
«Վարչական իրավախախտումների վերաբերյալ օրենսգրքի 182 հոդվածով նախատեսված արարք կատարելու համար նշված տարածքից ոստիկանություն բերման է ենթարկվել 13 քաղաքացի»,-հայտնեցին Ոստիկանությունից։
Նշենք. որ ՎԻՎ 182-րդ հոդվածը սահմանում է ոստիկանության ծառայողների օրինական պահանջը չկատարելը։
Հիշեցնենք, որ Ազատագրական շարժման ներկայացուցիչներն այսօր ակցիա են նախաձեռնել ԱԳՆ-ի մոտ ակնկալում են ԱԳՆ-ից ստանալ հետևյալ հարցերի պատասխանները` ինչ քարտեզների հիման վրա են կատարվելու սահմանագծման և սահմանազատման աշխատանքները, ինչ մասնագետներ են այդ գործընթացում ներգրավված, ով է ուզում իրականացնել այս սահմանազատումները։
