Ստամբուլում ուժգին փոթորիկներ են, ինչի հետևանքով կան զոհեր և ավերածություններ: Փոթորիկը խլել է 2 մարդու կյանք՝ նրանք մահացել են տանիքի փլուզումից: Այս մասին հայտնում է «Ռիա Նովոստին»:

Թուրքիայի առափնյա պահպանության վարչությունից լրատվամիջոցին հաղորդել են, որ ուժգին քամու պատճառով դադարեցվել է նավերի տեղաշարժը Բոսֆորի նեղուցով։ Նույն պատճառով Turkish Airlines-ի վեց ինքնաթիռ չեն կարողացել վայրէջք կատարել Ստամբուլում, ուղևորվել են Անկարա և Իզմիր։