Արտակարգ դեպք. Շիրակի մարզում երկաթբետոնե կամուրջը մասնակի փլուզվել է
Այսօր՝ նոյեմբերի 29-ին, արտակարգ դեպք է տեղի ունեցել Շիրակի մարզում: Ինչպես տեղից հայտնում է shamshyan.com-ը, Պեմզաշեն գյուղից դեպի Լեռնակերտ գյուղ տանող ավտոճանապարհի երկաթբետոնե կամրջի որոշ հատված փլուզվել է: Բարեբախտաբար, ուժածներ չկան և նշված հատվածում երթևեկությունը դարձել է միակողմանի: Օպերատիվորեն ժամանել է Արտակարգ իրավիճակների նախարարության փրկարար ծառայության թիվ 49 հրշեջ-փրկարարակա ջոկատից 1 մարտական հաշվարկ: Փրկարարները գյուղի սկզբնամասում ծառայութուն են կատարում և նշված հատվածով անցնող վարոդներին զգուշացնում և հորդորում են, որպեսզի ուշադիր լինեն:
Համայնքի ղեկավար Մ. Մովսիսյանը տեղեկությունը օպերատիվորեն փոխանցել է Շիրակի մարզպետ Նազելի Բաղդասարյանին, ում կարգադրությամբ էլ մարզպետարանի համապատասխան վարչության պատասխանատուներն արդեն ժամանում են գյուղ՝ տեղում խնդրին ծանոթանալու և լուծումներ գտնելու համար: Կամուրջը կառուցվել է 60-ականներին, երկարությունը 10 մետր է, լայնությունը՝ 6 մետր: Եթե կարճ ժամանակում այն հիմնովնի չվերանորոգվի, ապա ամեն պահի հնարավոր է՝ մյուս հատվածն էլ փլուզվի ու գյուղը կտրվի արտաքին աշխարհից: