Աֆղանստանից տարհանում են ՀՀ երկու քաղաքացու. ԱԳՆ
Ռուսական կողմը Աֆղանստանից Հայաստանի երկու քաղաքացու է տարհանելու։ Տեղեկությունը Sputnik Արմենիային հայտնեց Հայաստանի արտաքին գործերի նախարարության մամուլի քարտուղար Վահան Հունանյանը։
Ավելի վաղ ՌԴ ՊՆ-ից հայտնել էին, որ ռազմատրանսպորտային ավիացիայի ինքնաթիռներով Աֆղանստանից դուրս կբերվի ավելի քան 380 մարդ՝ Ռուսաստանի Դաշնության, ՀԱՊԿ անդամ պետությունների (Հայաստանի, Բելառուսի, Ղրղզստանի), ինչպես նաև Ուկրաինայի և Աֆղանստանի քաղաքացիներ:
