Հայաստանում Ռուսաստանի դեսպանատանը մեկ րոպե լռությամբ հարգել են զոհերի հիշատակը. հայտարարություն

Հայաստանում Ռուսաստանի դեսպանատանը մեկ րոպե լռությամբ հարգել են մեկ տարի առաջ սկսված ռազմական գործողությունների ընթացքում զոհվածների հիշատակը: Այս մասին հայտնում է Հայաստանում Ռուսաստանի դեսպանատունը:

«Ռուսաստանը հատկապես կարևորում է այն փաստը, որ հայ բնակչությունը հնարավորինս շուտ հաղթահարի պատերազմի հետևանքով առաջացած սթրեսը, իրեն ապահով զգա, ապագայում վստահություն ձեռք բերի: Որպես դաշնակիցներ ՝ մենք միշտ օգնել ենք և պատրաստ ենք օգնել:

Ակտիվ ջանքեր և գործնական քայլեր են ձեռնարկվում տարածաշրջանային կայունությունն ու անվտանգությունը պահպանելու, անցյալ տարվա աշնանը լայնածավալ ռազմական գործողությունների հետևանքները հաղթահարելու համար, ներառյալ ՝ քաղաքացիական ենթակառուցվածքների վերականգնման, փախստականների վերադարձի և գերիների ազատ արձակման հարցի վերջնական լուծման համար:

Ռուսաստանը կշարունակի միջնորդական ջանքերը ինչպես իր ազգային, այնպես էլ ԵԱՀԿ Մինսկի խմբի շրջանակներում` Լեռնային Ղարաբաղի հակամարտությանը երկարաժամկետ լուծում գտնելու համար:

Մեր անկեղծ ցավակցություններն ենք հայտնում զոհվածների և վիրավորների ընտանիքներին և հարազատներին»,- հայտնում է ՌԴ դեսպանությունը: