«Մերոնք լուսավորության վրա հարյուրավոր միլիոններ են ծախսում, իսկ նոր երթուղու մասով դեռ բան չի որոշվել»․ Ալեն Ղուլյան
Փորձագետ Ալեն Ղուլյանը ֆեյսբուքյան իր էջում գրել է.
«Նոյեմբերի 9-ի տխրահռչակ հայտարարության 6-րդ կետի համաձայն`
«Լեռնային Ղարաբաղի և Հայաստանի միջև կապն ապահովելու համար առաջիկա երեք տարիների ընթացքում պիտի հաստատվի Լաչինի միջանցքի երկայնքով նոր երթուղու կառուցման նախագիծ, որից հետո ռուսական խաղաղապահ զորակազմը կվերատեղակայվի՝ այդ երթուղին պաշտպանելու համար..․»։
Նոր երթուղու մասով դեռ բան չի որոշվել, համաձայնություն չկա, ադրբեջանցիք իրենց հերթին ինչ-որ տրյուկներ են անում, իսկ մերոնք Լաչինի միջանցքի լուսավորության վրա հարյուրավոր միլիոններ են ծախսում..․
Հիմա որ վաղը էդ միջանցքը Ղայբալու-Խայփալույով տան, կամ էլ Վանքով դեպի Ջերմուկ` էդ սյուների և լարերի քանդման, տեղափոխման և տեղադրման համար նորից մի էդքան գումար եք, չէ՞, ծախսելու...»։
