Լեհաստանի Հանրային հեռուստաընկերությունը հակահայկական բովանդակությամբ ռեպորտաժ է հեռարձակել. Նախկին դեսպան

Լեհաստանում ՀՀ նախկին դեսպան Էդգար Ղազարյանն ահազանգում է.

«Լեհաստանի Հանրային հեռուստաընկերությունը հակահայկական բովանդակությամբ ռեպորտաժ է հեռարձակել լուրերի հիմնական թողարկման ընթացքում: Իսկ ընդամենը մի քանի տարի առաջ այդ նույն հեռուստաընկերությունը համագործակցության հուշագիր էր ստորագրել Հայաստանի Հանրային հեռուստաընկերության հետ, որի արդյունքում իրենց միջոցներով ֆիլմեր էին նկարահանվում և հեռարձակվում Արցախի հիմնախնդրի, ինչպես նաև լեհահայ նշանավոր գործիչների մասին:

Ժամանակին մենք դրանով հպարտանում էինք, իսկ ադրբեջանցիները բողոքի անհետևանք ձայն էին բարձրացնում: Հիմա ամեն ինչ հակառակն է:

Այլ բան չէր կարող լինել, երբ կործանված է ոչ միայն երկիրը, այլև դիվանագիտությունը, իսկ «դիվանագետ» կոչվածները շարունակում են լուռ ու անխոնջ ծառայել հայ ժողովրդի ամենամեծ թշնամուն և հայ ժողովրդի ամենամեծ դավաճանին»։