Հայհոյանքների տարափի տակ Ալեն Սիմոնյանը ժամանակավորապես փակել էր ֆեյսբուքյան օգտահաշիվը
ՀՀ ԱԺ նախագահի տեղակալ Ալեն Սիմոնյանը մի քանի ժամ էր՝ փակել էր «Ֆեյսբուք» սոցցանցի իր օգտահաշիվը: Հիշեցնենք, որ ժամեր առաջ նա ՊՆ անունից հերքել էր Վարդենիսի լեռներում հայերի ու ադրբեջանցիների միջև տեղի ունեցած ծեծկռտուքի փաստը, ինչը հետո հաստատեց Պաշտպանության նախարարությունը: Սիմոնյանի հերքումը հարուցել էր հազարավոր օգտատերերի զայրույթը, նրանք իշխանական պատգամավորի էջը ողողում էին հայհոյանքներով, որոնք Սիմոնյանը նախ ջնջում էր, իսկ ավելի ուշ փակեց հենց օգտահաշիվը: Ժամեր անց նա էջը քիչ առաջ կրկին ակտիվացրեց, իսկ սկանդալային գրառումը թարմացրեց՝ հետգրությամբ ավելացնելով ՊՆ հաստատման տեքստը: |
