Ֆրանսիայում մինչև 15 տարեկանների համար սոցցանցերը չեն արգելվի․ Սահմանադրական խորհուրդը կասեցրել է օրենքը

Ֆրանսիայում Սահմանադրական խորհուրդը չեղարկել է օրենքի այն հոդվածը, որը նախատեսում էր արգելել 15 տարեկանից ցածր անձանց մուտքը սոցիալական ցանցեր: 

Այս մասին օգոստոսի 14-ին տեղեկացրել է BFM-TV հեռուստաալիքը:

Կառույցի դիրքորոշման համաձայն՝ սոցցանցերից օգտվելու սահմանափակումը կոտնահարեր դեռահասների արտահայտվելու ազատությունը։ 

Բացի այդ, քանի որ իրավական տեքստում հստակեցված չեն տարիքի ստուգման մեխանիզմները, առկա է անձնական կյանքի անձեռնմխելիության խախտման ռիսկ: