Ադրբեջանի արտգործնախարարությունը՝ հայ գերիերի մասին

Ադրբեջանի արտգործնախարարությունը հայտարարություն է տարածել, որում շարունակում է պնդել իր պաշտոնական սուտը, նշելով, թե  Ադրբեջանը Հայաստանին է վերադարձրել բոլոր ռազմագերիների, փոխանցում է Sputnik Ադրբեջանը: 

«Ներկայումս Ադրբեջանում ձերբակալված են հայ դիվերսանտներ, որոնք, 2020 թվականի նոյեմբերի 10-ի եռակողմ հայտարարության ստորագրումից մի քանի շաբաթ անց, որը նախատեսում էր բոլոր ռազմական գործողությունների դադարեցում, ուղարկվել են Ադրբեջանի տարածք: Նոյեմբերի վերջին 10 օրվա ընթացքում, ռազմական գործողությունների ավարտից հետո, Շիրակի մարզից ավելի քան 60 հոգանոց ջոկատ է ուղարկվել Ադրբեջանի տարածք: Ադրբեջանում այդ անձինք օրինական կալանքի տակ են՝ ինչպես միջազգային, այնպես էլ ներքին օրենսդրությանը համապատասխան։ Նրանք դատվում են Ադրբեջանի օրենսդրությանը համապատասխան՝ սպանությունների, դիվերսիաների և այլ հանցագործությունների համար: 2021 թվականի մայիսի 4-ին մեր երկիրը կատարեց մարդասիրական քայլ՝ 3 կալանավորվածներին վերադարձրեց Հայաստան՝ առանց մեղադրանք ներկայացնելո»,- շեշտել է Ադրբեջանի արտգործնախարարությունը