Սերգեյ Շոյգուն ևՎաղարշակ Հարությունյանը այսօր բանակցություններ են վարել
ՌԴ պաշտպանության նախարար, բանակի գեներալ Սերգեյ Շոյգուն երկուշաբթի հեռախոսազրույց է ունեցել հայ գործընկեր Վաղարշակ Հարությունյանի հետ` քննարկելով երկկողմ հարաբերություններն ու Ղարաբաղում տիրող իրավիճակը: Այս մասին տեղեկացնում է ՌԴ ՊՆ:
«Մայիսի 17-ին ՌԴ պաշտպանության նախարար Սերգեյ Շոյգուն հեռախոսային բանակցություններ է վարել Հայաստանի Հանրապետության պաշտպանության նախարարի ժամանակավոր պաշտոնակատար Վաղարշակ Հարությունյանի հետ: Զրույցի ընթացքում քննարկվել են երկկողմ համագործակցությանը, տարածաշրջանում և ՌԴ խաղաղապահ զորակազմի հանձնարարությունների իրականացման շրջաններում տիրող իրավիճակին առնչվող հարցեր»,- ասվում է ՌԴ ՊՆ հաղորդագրության մեջ:
