Ի՞նչ է ասվում հրապարակված փաստաթղթում. անակնկալները կլինեն 1 ամիս անց
Քիչ առաջ հրապարակվել է Համացանցում է հայտնվել այն փաստաթուղթը, որի մասին բոլորը խոսում են, այն համաձայնագիրը, որը պատրաստվում է ստորագրել Փաշինյանը:
Ռուսաստանի և Ադրբեջանի նախագահների և Հայաստանի վարչապետի պաշտոնակատարի հայտարարությունը».
« 1. Տարածաշրջանում խաղաղության, կայունության և անվտանգության ամրապնդմանն ուղղված ջանքերի զարգացման գործում, որոնք ձեռնարկվել են համաձայն երեք երկրների ղեկավարների հայտարարությունների՝ 2020 թ. նոյեմբերի 9-ին և 2021 թվականի հունվարի 11-ին ստեղծվում է համատեղ հանձնաժողով՝ Հայաստանի Հանրապետության և Ադրբեջանի Հանրապետության պետական սահմանի սահմանազատման և դրան կհաջորդի սահմանների ընդունումը:
2. Հանձնաժողովի շրջանակներում Ադրբեջանի Հանրապետության և Հայաստանի Հանրապետության կառավարությունները մինչև 2021 թվականի մայիսի 31-ը կազմում են ազգային պատվիրակություններ:
3. Ռուսաստանի Դաշնության Կառավարությունը, մինչև 2021 թվականի մայիսի 31-ը, կազմում է ազգային պատվիրակություն՝ հանձնաժողովում խորհրդատվական օգնություն ցուցաբերելու համար:
4. Պատվիրակությունները ղեկավարվում են հատուկ լիազոր ներկայացուցիչների կողմից, որոնք նշանակված են Ադրբեջանի Հանրապետության, Հայաստանի Հանրապետության և Ռուսաստանի Դաշնության ազգային օրենսդրությանը համապատասխան:
5. Հանձնաժողովն իր առաջին նիստը կանցկացնի մինչև 2021 թ. Հունիսի 30-ը, որի արդյունքների հիման վրա կկազմի հիմնական ուղղությունների և աշխատանքային ընթացակարգերի ցուցակ, ինչպես նաև կհաստատի փորձագիտական խմբերի կազմը իրավասու մարմինների և կազմակերպությունների պաշտոնատար անձանցից:
6. Փորձագիտական խմբերը, Հանձնաժողովի նիստից հետո մեկամսյա ժամկետում, կներկայացնեն իրենց իրավասության շրջանակներում գործողությունների ցանկ:
7. Սույն հայտարարության պատշաճ իրականացման և հանձնաժողովի աշխատանքի նպատակների իրականացման հետ կապված բոլոր հարցերը կլուծվեն բացառապես քաղաքական և դիվանագիտական միջոցներով՝ համաձայն համաձայնագրի»:
Տեղեկություններ են տարածվում նաև այն մասին, որ նոր փաստաթուղթը ստորագրվելու է այսօր ժամը 16։00-ին։ Մասնավորապես ադրբեջանցի օգտատեր Էլչին Էֆենդին իր ֆեյսբուքյան մի գրառում է կատարել, որով հայտնում է, որ Նիկոլ Փաշինյանի՝ այսօր կառավարության հայտարարած եռակողմ փաստաթղթի ստորագրումը տեղի է ունենալու հենց այսօր՝ ժամը 16։00-ին։ Իսկ ժամը 17։00-ին Ադրբեջանի նախագահ Իլհամ Ալիևը ուղիղ եթեր է մտնելու Նիազմի Գյանջավի միջազգային կենտրոնից, որը հեռարձակվելու է «Ֆեյսբուքով» և «Յութուբով»։
