ՏԵՍԱՆՅՈՒԹ. Հրթիռակոծվել է Իսրայելի Աշկելոն քաղաքը. կան տուժածներ

Այսօր՝ առավոտյան ժամը 5 ից սկսած հրթիռակոծվել Իսրայելի Աշկելոն քաղաքը։ Երեք հրթիռ ընկել են բնակելի տների վրա։ 

Իսրայելում բնակվող Մաքսիմ Սարգյանը ֆեյսբուքյան իր էջում հայտնում է, որ կան 6 վիրավորներ, որոնցից 2- ի վիճակը ծանր է, մնացած 4-ը մի ընտանիք են` այդ թվում 6 ու 12 տարեկան երեխաներ:

Հիշեցնենք, որ Իսրայելական բանակը Գազայի հատվածում «հարվածների ալիք» է սկսել՝ ի պատասխան պաղեստինցի արմատականների դեմ հրթիռային հարձակումների,  հաղորդել է իսրայելական բանակի մամուլի ծառայությունը:

Նշվում է, որ Գազայի հատվածից ավելի քան 150 հրթիռ է արձակվել Իսրայելի տարածք: Նրանցից տասնյակները որսացել է «Երկաթե գմբեթ» հակաօդային պաշտպանության համակարգը:

«Իսրայելի Պաշտպանության ուժերը Գազայի հատվածում հարձակումների ալիք են սկսել ահաբեկչական օբյեկտների վրա», - ասվում է հաղորդագրության մեջ:

Երկուշաբթի իսրայելական ավիահարվածներից հետո Գազայի հատվածում հաղորդվում էր 20 զոհի և 65 վիրավորի մասին: