Արաբական Միավորված Էմիրություններում, ավտոմեքենայի համարանշի արժեքի նոր համաշխարհային ռեկորդ է սահմանվել,  գրում է ՏԱՍՍ-ը: 

Այդ երկրի՝ երկու տառից եւ մեկ թվից բաղկացած գրանցահամարը վաճառվել է 38 միլիոն դիրհամով (ավելի քան 10 միլիոն դոլար) Դուբայում բարեգործական աճուրդի ժամանակ, որն անցկացվել է առցանց ռեժիմով: AA9 համարանշի գնորդի անունը դեռեւս չի հրապարակվել: Աճուրդի ժամանակ նաեւ ներկայացվել են U31, T38 եւ E51 գրանցահամարները: Աճուրդի ժամանակ ընդհանուր առմամբ գրանցվել է 48,5 միլիոն դիրհամի (13,2 միլիոն դոլար) չափով վաճառք: 

Աճուրդի մասնակիցների շրջանում եղել է ԱՄԷ-ի վարչապետը եւ Դուբայի ղեկավար Մուհամեդ բեն Ռաշիդ Ալ Մաքթումը: Աճուրդից ստացված հասույթը կծախսվի անապահով մարդկանց սննդով ապահովելու արշավի շրջանակում: Նախորդ ռեկորդը եւս գրանցվել էր Դուբայում: 2016 թվականին D5 համարանիշը վաճառվել էր 33 միլիոն դիրհամով (շուրջ 9 միլիոն դոլար):