Բալիի ափերի մոտ անհետ կորած ինդոնեզական սուզանավի բեկորներն են հայտնաբերվել. անձնակազմի 53 անդամից ոչ մեկ չի փրկվել
Բալիի ափերին անհայտ կորած ինդոնեզական սուզանավը խորտակվել է: Այս մասին հայտարարել են երկրի Ռազմածովային ուժերը, փոխանցում է AFP-ն: Որոնողական խումբը հայտնաբերել է KRI Nanggala 402-ի բեկորները, այդ թվում՝ իրեր սուզանավի ներսից, որում թթվածնի պաշարն արդեն սպառվել է:
Իշխանությունները հայտնել են, որ գերմանական արտադրության նավը բավարար թթվածնով ապահովվել է ընդամենը երեք օրվա ընթացքում հզորությունը կորցնելուց հետո: Վերջնաժամկետը լրացավ շաբաթ օրը վաղ առավոտյան: Նշվում է, որ հայտնաբերվել են իրեր՝ անձնակազմի անդամների աղոթքի գորգեր, տորպեդոյի խողովակի մասեր, ինչպես նաև վառելիքով ու քսանյութերով լի տարաներ:
Հիշեցնենք, որ սուզանավն Ինդոնեզիայի նավատորմի հինգ նավերից մեկն էր, որն անհետացել էր չորեքշաբթի ինդոնեզական կղզու մոտ մարտական տորպեդներով վարժանքների ժամանակ: Նավում 53 մարդ կար:
Իշխանությունները հնարավոր բացատրություն չեն առաջարկել սուզանավի հանկարծակի անհետացման վերաբերյալ եւ չեն մեկնաբանել հարցերն այն մասին՝ արդյոք նավը գերբեռնված էր, թե՞ ոչ: Տեղի ունեցածի առնչությամբ պաշտոնական վարկածներ դեռ չեն ներկայացվել:
