ԼՈՒՐԵՐ.com-ի աղբյուրները Սյունիքից հաղորդում են, որ այսօր Սյունիքի մարզպետարան է կանչվել Քաջարան համայնքի ղեկավար Մանվել Փարամազյանը, ում հետ բավականին խիստ խոսակցություն է եղել: Իրավիճակն այնքան է սրվել, որ բանը հասել է գոռգոռոցների ու ձեռնամարտի:

Արդյունքում, ըստ օդում կախված լուրերի, քաղաքապետը դաժան ծեծի է ենթարկվել: Նրա վիճակի մասին մանրամասներ պարզել այդպես էլ չհաջողվեց:

Լուրի հավաստիությունը ճշտելու նպատակով Auroranews- ը փորձեց կապ հաստատել Փարամազյանի հետ, սակայն մեր բազմաթիվ զանգերն անպատասխան մնացին: