Վրաստանը հնարավոր է բացի ցամաքային սահմանները
Վրաստանի կառավարությունը քննարկում է ցամաքային սահմանի բացման հնարավորությունը: Այս մասին ինչպես փոխանցում է Sputnik Georgia-ն լրագրողների հետ զրույցում ասել է երկրի էկոնոմիկայի և կայուն զարգացման նախարար Նաթիա Տուրնավան։
«Հիմնական բանը, որը կարող է ապահովագրել լարիի փոխարժեքի հետագա տատանումները, տնտեսության արագ վերականգնումն է: Գիտեք, որ մենք գործնականում վերացրել ենք զբոսաշրջության վերականգնման հիմնական սահմանափակումները: Ընթացքի մեջ են պատվաստումները, որոնք կդառնան խոչընդոտ երրորդ ալիքի համար: Զբոսաշրջությունը լրացուցիչ արժույթ կբերի երկրին: Այժմ մենք արդեն քննարկում ենք, թե ինչ պայմաններով կկարողանանք բացել ցամաքային սահմանները, և դա լավ աճ կլինի մեր ֆինանսական շուկայի համար»,-ասել է Տուրնավան:
