Երեկ՝ մարտի 16-ին, վրաերթ է տեղի ունեցել Լոռու մարզում։ Ժամը 15։00-ի սահմաններում Լոռու մարզի բնակիչ՝ 54-ամյա Ռուբեն Ա-ն Արևաշող գյուղի առաջին փողոցում իր վարած Nissan Teana մակնիշի ավտոմեքենայով վրաերթի է ենթարկել նույն գյուղի բնակիչ՝ 16-ամյա Գևորգ Գ-ին։ Ինչպես հայտնում է ֆոտոլրագրող Գագիկ Շամշյանը, վարորդը փախուստի չի դիմել, իր ավտոմեքենայով երեխային տեղափոխել է «Սպիտակ» բժշկական կենտրոն, ապա ինքնակամ ներկայացել ոստիկանության Սպիտակի բաժին։