Հրդեհ է բռնկվել Հանրապետության հրապարակի Փոստի շենքի տանիքում
Հանրապետության հրապարակում՝ կառավարության շենքի հարևանությամբ գտնվող բոլորին հայտնի Փոստի շենքի տանիքում հրդեհ է բռնկվել:
Ինչպես Auroranews.am-ին տեղեկացրին ականատեսները, տեղում աշխատանք են իրականացնում Արտակարգ իրավիճակների նախարարության հրշեջները: Այդ առնչությամբ Հանրապետության հրապարակի հատվածում երթևեկությունը ծանրաբեռնված է:
Քիչ առաջ մանրամասներ հայտնի դարձան, որոնք ներկայացնում ենք ձեր ուշադրությանը.
Մարտի 15-ին, ժամը 04։30-ին Ճգնաժամային կառավարման ազգային կենտրոն ահազանգ է ստացվել, որ Երևանի Հանրապետության Հրապարակում գտնվող «Հայփոստ»-ի շենքի տանիքում հրդեհ է բռնկվել։
Հրդեհի բարդության Թիվ 2 կանչով դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ, Ճգնաժամային կառավարման ազգային կենտրոնի օպերատիվ խումբը և Հրդեհաշիջման և փրկարարական աշխատանքների կազմակերպման բաժնի հերթապահ խումբը։
Պարզվել է, որ հրդեհը բռնկվել է Տիգրան Մեծ պողոտայի թիվ 2 շենքի տանիքում։
Հրդեհը մեկուսացվել է ժամը 06։18-ին, մարվել՝ 07։44-ին։ Այրվել են տանիքի փայտյա կառուցատարրերը՝ մոտ 200 քմ և 4-րդ հարկի բաղդադե առաստաղը ՝ մոտ 100 քմ։
