ՏԵՍԱՆՅՈՒԹ. Քաղաքացիները լավաշ են բաժանում ոստիկաններին
ՀՀ վարչապետի հրաժարականը պահանջող քաղաքացիները լավաշ են բաժանում Դեմիրճյան փողոցում ծառայություն իրականացնող ոստիկաններին։
Ինչպես արդեն տեղեկացրել ենք՝ Փաշինյանի հրաժարականը պահանջող քաղաքացիները բոլոր կողմերից շրջափակել են ԱԺ շենքը և պահանջում են հրավիրել արտահերթ նիստ՝ Նիկոլ Փաշինյանի հրաժարականի օրակարգով:
Բաղրամյան պողոտան փակ է փետրվարի 25-ից, իսկ Դեմիրճյան փողոցն արդեն մի քանի ժամ, այստեղ եւս տեղադրվել են վրաններ։ Նրանք նշում են, որ թույլ չեն տալու՝ պատգամավորները մուտք գործեն խորհրդարան, ինչպես նաև հայտարարել են, որ չեն հեռանալու մինչև Նիկոլ Փաշինյանը հրաժարական չտա:
Դեմիրճյան փողոցում կուտակվել են նաեւ ոստիկանական մեծ թվով ուժեր՝ հագեցած վահաններով եւ սաղավարտներով։
Ընդդիմությունը կոչ է արել քաղաքացիներին գալ Դեմիրճյան փողոց եւ միանալ անհնազանդության ակցիաներին։ Միաժամանակ հայտնի է դարձել, որ նաեւ մեծ թվով ոստիկաններ են տեղափոխվում Երեւան։
