Վրաերթ՝ Երևանում․ հայրը տեղում մահացել է, բժիշկները պայքարում են տղայի կյանքի համար

Այսօր մահվան ելքով վրաերթ է տեղի ունեցել Երևանում: Ժամը 21:40-ի սահմաններում անհայտ մակնիշի և համարանիշի ավտոմեքենայի վարորդը Գևորգ Չաուշի փողոցում վրաերթի է ենթարկել 2 հետիոտնի և նրանց թողնելով անօգնական, դիմել է փախուստի, տեղեկացնում է Shamshyan.com–ը:

Վրաերթի ենթարկվածներից մեկը տեղում մահացել է, մյուսը՝ Երևանի  1-03 շտապօգնության  բժիշկների կողմից ծայրահեղ ծանր ախտորոշմամբ տեղափոխվել է  «Արմենիա» բժշկական կենտրոն:

Ոստիկանները պարզել են,  որ վիրավորը Երևանի բնակիչ, 34-ամյա Էդգար Մայիլյանն է, իսկ մահացածը՝ նրա հայրն է՝ Սամվել Մայիլյանը, ում տարիքը ճշտվում է: