Եթե Վանեցյանն ունի այդ կապերը, ապա րոպե առաջ թող օգտագործի և գերիներին վերադարձնի, ուրախ կլինենք. Հակոբյան. ArmDaily
Իսկ ինչո՞ւ է պարոն Վանեցյանը պարտադիր ուզում լինել երկրի ղեկավար, որպեսզի նոր իր կապերը օգտագործի և գերիներին վերադարձնի։ Այս մասին ArmDaily.am-ի հետ զրույցում ասաց «Իմ քայլը» խմբակցության պատգամավոր Հրաչյա Հակոբյանն՝ անդրադառնալով «Հայրենիք» կուսակցության ղեկավար Արթուր Վանեցյանի հայտարարությանը, թե պաշտոնապես խոսք է տալիս, որ իր իշխանության գալու պարագայում գերիների վերադարձի հարցը լինելու է մի քանի օրվա հարց։
Նա նշել, էր, որ ՌԴ–ում ու այլ երկրներում, բայց ոչ Ադրբեջանում, ունի անձնական կապեր, մարդկային հարաբերություններ, որոնք կարող են օգտակար լինել այդ հարցում։
«Եթե Վանեցյանը ունի այդ կապերը, ապա րոպե առաջ թող օգտագործի դրանք և գերիներին վերադարձնի։ Մենք միայն ուրախ կլինենք դրա համար։ Առհասարակ, եթե կա որևէ մեկը, ով նման հնարավորություն ունի՝ մենք միայն ուրախ կլինենք, որպեսզի այդ անձն իր հնարավորություններն օգտագործի և մեկ օր առաջ մեր հայրենակիցներին հետ վերադարձնի»,-ասաց Հակոբյանը։
