Ադրբեջանական լրատվամիջոցներում շարունակվում են Արման Թաթոյանի վերաբերյալ վիրավորանք ու ատելություն պարունակող հրապարակումները

Ադրբեջանական լրատվամիջոցներում շարունակվում են ՀՀ մարդու իրավունքների պաշտպան Արման Թաթոյանի վերաբերյալ վիրավորանք ու ատելություն պարունակող հրապարակումներ` անվանելով «ֆաշիստական մանրէով վարակված չինովնիկ», «երկերեսանի» և այլն: Այս մասին ֆեյսբուքյան իր էջում գրել է ՀՀ մարդու իրավունքների պաշտպան Արման Թաթոյանը։

«Ադրբեջանական լրատվամիջոցի այս հոդվածը հրապարակվել է Պաշտպանի այն հայտարարությունների կապակցությամբ, որոնք առնչվում են Հայաստանի Սյունիքի մարզի սահմանային գյուղերի բնակիչների իրավունքների պաշտպանությանը: Ըստ հոդվածի` ՀՀ մարդու իրավունքների պաշտպանի այս հարցերով հայտարարությունները մեծ դժգոհություն են առաջացրել ադրբեջանական լրատվամիջոցներում:

Հոդվածն ինքնին այնպիսին է, որ դարձյալ ակնհայտ ցուցադրում է հայատյացության հիմքեր:

Հայաստանի մարդու իրավունքների պաշտպանը շարունակելու է սահմանային բնակիչների իրավունքների պաշտպանությանն ուղղված աշխատանքները` անկախ իր կարգավիճակից բխող օրինական գործունեության նկատմամբ որևէ ճնշումից»,- գրել է նա:

[2dd921f7f55f51c48da6ca286e0a4868.jpg]

[69b01fb4e8c509c5f3aad6619759b005.jpg]

[53b308c26955aa5fca84ee1f1dfef774.jpg]

[2d32ddb7ff48aca406c7e94e7a5b245a.jpg]

[f42177c8df4e3919b4df0fae2d7711e6.jpg]

[c5b7eb1efafc77e37ede33e23c0867ac.jpg]