«Շանթ» ռեստորանի սեփականատերը ցուցմունք է տվել Աղվան Հովսեփյանի գործով

Sputnik Armenia-ի հաղորդմամբ՝ «Շանթի Յուրա» մականունով հայտնի գործարար Յուրա Ղարիբյանը ցուցմունք է տվել ՀՀ նախկին գլխավոր դատախազ Աղվան Հովսեփյանի գործով հերթական դատական նիստում։

Գործը քննվում է ՀՀ հակակոռուպցիոն դատարանում։ Հովսեփյանը մեղադրվում է մի շարք հոդվածներով՝ այդ թվում կաշառք ստանալու, փողերի լվացման և ձեռնարկատիրական գործունեությանն ապօրինի մասնակցելու համար։

Նիստի ընթացքում վկային հարցեր են ուղղել հանրային մեղադրողները՝ պարզելու, թե արդյոք նա իր կամքին հակառակ է փոխանցել գույքի բաժնեմասեր։ Վկան նշել է, որ իրենից պահանջված գործողությունները կատարվել են ճնշման մթնոլորտում՝ նշելով նաև նախկինում իր դեմ հարուցված քրեական գործերի հանգամանքը։

Աղվան Հովսեփյանի պաշտպանական կողմը, Աղվան Վարդանյանի մասնակցությամբ, պնդել է, որ դատախազները վկային ուղղորդող հարցեր են տալիս՝ փորձելով հաստատել իրենց ներկայացրած վարկածը։ Պաշտպանությունը նշել է, որ հարցադրումները ձևակերպվում են այնպես, որ ենթադրեն սպառնալիքի առկայություն։

Ի պատասխան՝ մեղադրող կողմը նշել է, որ վկան նախկինում ևս խոսել է հարկադրված գործարքների մասին և այդ պատճառով հարցերը տրվում են համապատասխան պարզաբանումներ ստանալու նպատակով։

Հովսեփյանը դատարանում հայտարարել է, որ մեղքը չի ընդունում։
Նիստի ընթացքում քննարկումները շարունակվել են հարցաքննության շրջանակում։