Քաղաքականություն

Սերբիան ԵՄ-ի ճանապարհին կարող է մուտքի արտոնագրեր սահմանել ՌԴ քաղաքացիների համար

Սերբիան ԵՄ-ի ճանապարհին կարող է մուտքի արտոնագրեր սահմանել ՌԴ քաղաքացիների համար
Սերբիան կարող է Չեռնոգորիայի օրինակով վիզային ռեժիմ սահմանել Ռուսաստանի քաղաքացիների համար՝ Շենգենյան գոտուն միանալու նախապատրաստական գործընթացի շրջանակում։Սերբիայի եվրոպական ինտեգրման նախարա�…

Սերբիան կարող է Չեռնոգորիայի օրինակով վիզային ռեժիմ սահմանել Ռուսաստանի քաղաքացիների համար՝ Շենգենյան գոտուն միանալու նախապատրաստական գործընթացի շրջանակում։


Սերբիայի եվրոպական ինտեգրման նախարար Նեմանյա Ստարովիչը հայտարարել է, որ Բելգրադը նպատակ ունի մինչև 2027 թվականի վերջը կատարել անհրաժեշտ պայմանները։ Նա ուղղակիորեն չի հայտարարել ՌԴ քաղաքացիների համար վիզաներ սահմանելու մասին, սակայն Շենգենյան գոտուն միանալը ենթադրում է Սերբիայի վիզային քաղաքականության համապատասխանեցում միավորման կանոններին։


Ստարովիչի խոսքով՝ Սերբիայի կառավարությունը ստեղծել է հատուկ աշխատանքային խումբ և հաստատել բարեփոխումների ծրագիր։


Միաժամանակ նախարարը քիչ հավանական է համարել Սերբիայի լիարժեք անդամակցությունը Եվրամիությանը մինչև տասնամյակի ավարտը։ Մինչ անդամակցությունը Բելգրադը մտադիր է աստիճանաբար հասնել մարդկանց, ապրանքների, կապիտալի և ծառայությունների ազատ տեղաշարժին։


Հուլիսի վերջին Չեռնոգորիան պաշտոնապես վիզային ռեժիմ էր սահմանել Ռուսաստանի, Բելառուսի և ԵՄ անդամ չհանդիսացող մի շարք այլ երկրների քաղաքացիների համար։ Սահմանափակումներն ուժի մեջ կմտնեն նոյեմբերի 1-ից։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7582) Միջազգային (3356) ԱՄՆ (2304) Ռուսաստան (2124) Իրան (1752) Ընտրություններ (1274) Ուկրաինա (835) Երևան (800) Իսրայել (761) Ադրբեջան (629) Փաշինյան (564) Եվրոպա (512) Ընդդիմություն (445) Ազգային ժողով (435) Թրամփ (433)

Radio Aurora

Լսել Radio Aurora

Գովազդային տարածք

300x250