Գիշերային պայթյուններից հետո հրդեհ է բռնկվել Wildberries-ի 11 մլրդ ռուբլիանոց համալիրում

Ռուսական Վորոնեժի արվարձանում օգոստոսի 11-ի գիշերը մի շարք պայթյուններից հետո խոշոր հրդեհ է բռնկվել Wildberries մարկետփլեյսի լոգիստիկ համալիրում։

Ականատեսների տեսանյութերի վերլուծության համաձայն՝ հրդեհը բռնկվել է ՌԴ Վորոնեժի մարզի Նովոուսմանսկի շրջանի Ալեքսանդրովկա գյուղում գտնվող լոգիստիկ համալիրի տարածքում։ Գիշերվա ընթացքում տեղի բնակիչները հայտնել են տարածաշրջանում տեղի ունեցած պայթյունների և հրդեհի մասին։ Wildberries-ի մամուլի ծառայությունը հաստատել է աշխատակիցների տարհանումը օբյեկտի տարածքից «անվտանգության պահանջներին համապատասխան», սակայն տարհանման պատճառները չի հստակեցրել։

Ալեքսանդրովկա գյուղի լոգիստիկ համալիրը բացվել է 2025 թվականի նոյեմբերին։ Բաց աղբյուրների տվյալներով՝ պահեստային համալիրի մակերեսը կազմում է 152,9 հազար քառ․ մ, իսկ պահպանման ծավալը նախատեսված է ավելի քան 90 միլիոն ապրանքատեսակի համար։ Wildberries & Russ (ՌՎԲ) միացյալ ընկերությունը նրա կառուցման մեջ ներդրել է շուրջ 11 միլիարդ ռուբլի։