ԵԱՏՄ-ից դուրս գալու հանրաքվեն կեղծ օրակարգ է․ Խանդանյան

Ազգային ժողովի «Քաղաքացիական պայմանագիր» խմբակցության պատգամավոր, Արտաքին հարաբերությունների մշտական հանձնաժողովի նախագահ Սարգիս Խանդանյանը լրագրողների հետ ճեպազրույցում անդրադարձել է ԵԱՏՄ կազմում մնալու վերաբերյալ հանրաքվեին։ Նա նշել է, որ այն կեղծ օրակարգ է։

«Բազմիցս է նշվել, որ չի կարող լինել հանրաքվե մի հարցի շուրջ, որը պարզապես գոյություն չունի։ Դա ՀՀ-ում չի քննարկվել և դրա շուրջ գործողություններ չեն կատարվել՝ խոսքը ԵՄ անդամակցության հայտ ներկայացնելու մասին է։

Ինչ վերաբերում է ԵԱՏՄ-ին մեր անդամակցությանը, միջկառավարական խորհրդի նիստին ՀՀ-ն մասնակցեց և ներկայացրեց մեր դիրքորոշումը»։,- նշել է նա։

Նա նաև նշեց՝ ՀՀ-ն ԵԱՏՄ-ի լիիրավ անդամ է, ունի իրավունքներ. 

«Չենք պատրաստվում այս հարցի շուրջ առճակատման փուլ մտնել։

Եթե ի վերջո ՀՀ-ն կայացնի որոշում, որ պետք է դիմի ԵՄ-ին անդամակցելու համար, պետք լինի անցկացնել հանրաքվե, այդ ժամանակ երկուսում անդամակցությունը անհնարին կդառնա, և Հայաստանը իր կամքով մեկից դուրս կգա»։