Որդու ընկերոջ հոգեհանգստին շտապող Էդգար Ղազարյանի դեմ քրեական գործ են հարուցում՝ շենք, շինություն գրավելու մեղադրանքով. ահազանգ
Համացանցում տեղեկություն է տարածվել, որ որդու ընկերոջ հոգեհանգստին շտապող Էդգար Ղազարյանի դեմ քրեական գործ են հարուցել՝ շենք, շինություն գրավելու մեղադրանքով
Նշվում է, որ Ղազարյանը հանրահավաքի ժամին որդու հետ գնալիս է եղել նրա՝ պատերազմում զոհված ընկերոջ հոգեհանգստին: Տեսնելով ոստիկանական բռնությունը՝ Ղազարյանը կանգ է առել՝ տեսանկարահանելու և այդ ընթացքում ոստիկանությունը բերման է ենթարկել նրան:
ՍԴ աշխատակազմի նախկին ղեկավարից բացի ոստիկանություն է տարվել նաև նրա որդին:
Auroranews-ը տեղեկությունը փորձեց պարզել Ոստիկանության լրատվական բաժնից, սակայն աշխատակիցները դեռ չեն պատասխանել մեր զանգերին:
