63-ամյա վարորդը Mercedes Vito մակնիշի ավտոմեքենայով, ճանապարհի մերկասառույցի պատճառով՝ գլխիվայր հայտնվել է ձորակում

Երեկ՝ հունվարի 19-ին, ճանապարհի մերկասառույցի պատճառով խոշոր ավտովթար է տեղի ունեցել Գեղարքունիքի մարզում։ Ժամը 11։10-ի սահմաններում Սևանի բնակիչ 63-ամյա Էդիկ Մկրտչյանը Սևան-Մարտունի-Գետափ ավտոճանապարհի 23․4կմ-ին դուրս է եկել ճանապարհի երթևեկելի գոտուց և, գլխիվայր շրջվելով, հայտնվել ճանապարհի աջակողմյան հատվածում գտնվող ձորակում։ Ինչպես հայտնում է ֆոտոլրագրող Գագիկ Շամշյանը, վթարի հետևանքով Է․ Մկրտչյանը մարմնական վնասվածքներով տեղափոխվել է «Սևան» բժշկական կենտրոն։ 

Ֆոտոլրագրողը հայտնում է, որ վթարի պատճառը եղել է ճանապարհն սպասարկող Գավառի Ճանշինի անփութությունը, քանի որ առատ ձյան գալուց հետո նրանք ոչ-մի աշխատանքներ չեն կատարել ճանապարհը ձյան շերտից մաքրելու, աղ ու ավազով մշակելու ուղղությամբ։