15:00 Լուրերը մեկ տողով. Ինչպես են հայտնաբերել նորածնին. TRIPP նախագծի ապագան

Անցած ժամվա լուրերը՝ հակիրճ և բովանդակային.

•Հայաստանի և Իրանի միջև TRIPP ծրագրի շուրջ առկա է փոխըմբռնում, իսկ Իրան-ԱՄՆ լարվածությունը չի խոչընդոտի դրա իրականացմանն ու երկաթուղու շինարարությանը։

•Վարչապետ Նիկոլ Փաշինյանն ընդունել է արաբական պետությունների դեսպաններին՝ քննարկելով տարածաշրջանային խաղաղության, հաղորդակցությունների ապաշրջափակման և առաջիկա բնապահպանական համաժողովի հարցեր։

•Նորածին երեխային հայտնաբերեծ քաղաքացին մանրամասներ է հայտնել։  «Ժամը երեկոյան 8.40 եմ երեխային գտել։ Մեր բնակիչներից մարդ կար, մոտեցավ, ասեց՝ ձեն ա գալիս, ոնց որ շուն է կամ երեխայի ձայն է գալիս։ Ասեցի՝ գնանք, նայենք։ Հենց տեղում անմիջապես զգացի, որ ձեն ա գալիս, մի պահ ուզում էի որքով խփեի, թու-թու-թու չխփեցի, կռացա, ադյալը բացեցի, տեսնեմ երեխա է։ Գրկել եմ անմիջապես ու զանգել եմ շտապօգնություն, որը 5 րոպեում եկել է, եկել է նաև ոստիկանությունը»,– պատմել է երիտասարդը։

•Շենգավիթում ոստիկանները ձերբակալել են 29-ամյա երիտասարդի, ով զբոսայգում դանակահարել էր շանը։

•Ռուսաստանը հայտարարել է Վրաստանի հետ պրագմատիկ կապերն ընդլայնելու պատրաստակամության մասին՝ նշելով, որ ներկայում երկկողմ քաղաքական շփումները բացակայում են։

•ԱՄՆ նախագահ Դոնալդ Թրամփը պաշտպանել է ՖԻՖԱ-ի նախագահ Ջանի Ինֆանտինոյին՝ նրա հնարավոր հեռացումն անվանելով լուրջ սխալ կազմակերպության համար։