Ինդոնեզիայում վերջին 24 ժամվա ընթացքում 26 մարդ է մահացել երկրաշարժի հետևանքով, ավելի քան 600-ը վիրավորվել են: Այս մասին հայտնում է «Ռիա Նովոստին»:

Հինգշաբթի Ինդոնեզիայում գրանցվել է համապատասխանաբար 5,7 և 6,2 բալ ուժգնությամբ երկու հզոր երկրաշարժ: Ավելի վաղ հաղորդվում էր 7 զոհի և 600 վիրավորի մասին:

Ինդոնեզիայի օդերևութաբանության և երկրաֆիզիկայի գործակալության ղեկավար Դվիկորիտա Կարնավատին հայտարարել է, որ այս երկրաշարժերից հետո երկրում տեղի է ունեցել առնվազն 26 հետցնցում: Նա նախազգուշացրել է ցունամիի վտանգի մասին` մեկ այլ՝ ավելի հզոր երկրաշարժի դեպքում: