ՏԵՍԱՆՅՈՒԹ. Նալբանդյան գյուղում հայր ու որդու են դանակահարել

Հունվարի 3-ին, ժամը 16-ի սահմաններում, բժշկական կենտրոնից ոստիկանության Արմավիրի բաժին հաղորդում էր ստացվել, որ մարմնի տարբեր հատվածներում կտրված-ծակած վերքերով երկու տղամարդ են տեղափոխվել հիվանդանոց։

Հիվանդանոց մեկնած օպերատիվ խումբը պարզեց, որ տուժողները Նալբանդյան գյուղի բնակիչներ են՝ հայր և որդի։ Իսկ թե ինչ հանգամանքներում և ով էր նրանց վնասվածքներ պատճառել՝ պարզվեց հաղորդումից ժամեր անց։

Քրեական հետախույզների արագ և օպերատիվ աշխատանքի շնորհիվ տեղեկություններ ստացվեցին, որ ֆինանսական հարցերի շուրջ ծագած վիճաբանության ժամանակ տուժողներին դանակահարել էր համագյուղացին՝ Նալբանդյան գյուղի 61-ամյա մի բնակիչ։

Նույն օրը կասկածվողը բերման ենթարկվեց ոստիկանության Արմավիրի բաժին։
Նա խոստովանել է կատարածը։
Դանակը հայտնաբերվել է։
Նշանակվել են փորձաքննություններ։
Բերման ենթարկված տղամարդը կալանավորված է։
Քրեական գործի նախաքննությունը շարունակվում է։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: