Քաղաքականություն

Փելոսին Թրամփին անվանել է «Պուտինի սպասուհի»

Փելոսին Թրամփին անվանել է «Պուտինի սպասուհի»
Ներկայացուցիչների պալատի խոսնակ Նենսի Փելոսին ԱՄՆ նախագահ Դոնալդ Թրամփին անվանել է ՌԴ նախագահ Վլադիմիր Պուտինի «սպասուհի» (hand maiden) եւ ենթադրել, որ Ռուսաստանում Թրամփին արատավորող ինչ-որ նյութ…

Ներկայացուցիչների պալատի խոսնակ Նենսի Փելոսին ԱՄՆ նախագահ Դոնալդ Թրամփին անվանել է ՌԴ նախագահ Վլադիմիր Պուտինի «սպասուհի» (hand maiden) եւ ենթադրել, որ Ռուսաստանում Թրամփին արատավորող ինչ-որ նյութ կա, փոխանցում է «ՌԻԱ Նովոստի»-ն:

«Ես չգիտեմ, թե ռուսների մոտ ինչ կա նախագահ Թրամփի վերաբերյալ՝ անձնական, քաղաքական, ֆինանսական: Այլ բացատրություն չկա, թե ինչու է ԱՄՆ նախագահը դարձել Պուտինի մինչ այդ աստիճանի սպասուհին»,- ասել է Փելոսին CBS-ի հետ հարցազրույցում:

Նա նաեւ Թրամփին անվանել է «խանգարված» եւ կարծիք հայտնել, որ նրան անհրաժեշտ է քրեական պատասխանատվության ենթարկել:

«Ցավոք, մարդը, որը ղեկավարում է գործադիր իշխանությունը, ԱՄՆ խանգարված, անհավասարակշիռ, վտանգավոր նախագահն է: Կանցնեն եւս որոշակի թվով օրեր, նախքան կկարողանանք նրանից պաշտպանվել: Բայց նա կատարել է ինչ-որ այնքան լուրջ բան, որ նրա դեմ քրեական հետապնդում կպահանջվի»,- հավելել է Փելոսին:

Երկար ժամանակ դեմոկրատները Թրամփին մեղադրում էին Ռուսաստանի հետ «դավադրության» մեջ: Սպիտակ տունն ու Կրեմլը դա հերքում էին: Հատուկ դատախազ Ռոբերտ Մյուլերը, որի երկամյա հետաքննությունը ԱՄՆ արդարադատության նախարարությունում ավարտվել էր 2019 թվականին, նույնպես «դավադրության» վկայություններ չէր գտել:


 

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7385) Միջազգային (3226) ԱՄՆ (2279) Ռուսաստան (2091) Իրան (1732) Ընտրություններ (1272) Ուկրաինա (821) Երևան (796) Իսրայել (758) Ադրբեջան (619) Փաշինյան (558) Եվրոպա (510) Ընդդիմություն (436) Թրամփ (428) Ազգային ժողով (407)

Radio Aurora

Լսել Radio Aurora

Գովազդային տարածք

300x250