Ադրբեջանի և Հայաստանի ժողովուրդները պետք է կամք և իմաստություն գտնեն հաշտեցման համար. Ալիև
Ադրբեջանի նախագահ Իլհամ Ալիևը համոզմունք է հայտնել, որ Երևանը չի փորձի վերանայել Լեռնային Ղարաբաղի վերաբերյալ պայմանավորվածությունները:
«Իրավիճակը, որը ստեղծվել էր Հայաստանի և Ադրբեջանի միջև և զարգացել տարիների ընթացքում, ի վերջո լուծվել է: Համոզված եմ, որ հայկական կողմից նոյեմբերի 9-ի հայտարարությունը վերանայելու փորձեր չեն լինի, որպեսզի երկու ժողովուրդներն էլ կամք ու իմաստություն գտնեն ապագայի մասին մտածելու համար», - ասել է Ալիևը Ռուսաստանի նախագահ Վլադիմիր Պուտինի և ՀՀ վարչապետ Նիկոլ Փաշինյանի հետ բանակցություններից հետո:
