Իրանը մոտ ապագայում զորավարժություններ կանցկացնի երկրի հարավային հատվածներում
Իրանը մոտ ապագայում զորավարժություններ կանցկացնի երկրի հարավային հատվածներում: Այս մասին հայտարարել է Իրանի բանակի ցամաքային զորքերի հրամանատար, բրիգադային գեներալ Կուիմարս Հեյդարին, հաղորդում է Mehr-ը:
Նրա խոսքով՝ այդ զորավարժությունները պետք է անցկացվեն այլ իրանական ուժերի աջակցությամբ: Նա պարզաբանել է, որ զորավարժություններն անցկացվում են մարտական պատրաստվածության եւ իրանական ուժերի պաշտպանունակության բարձրացման նպատակով երկրի հարավարեւելյան շրջաններում եւ Իրանի սահմանների տարբեր հատվածներում:
Հղում անելով իրանական բանակի վերջին լայնամասշտաբ զորավարժություններին, որի ժամանակ, անօդաչու թռչող սարքեր են կիրառվել, իրանցի հրամանտարն ասել է. «Այդ զորավարժություններին ներկայացվել են օդային մարտի ոլորտում Զինված ուժերի վերջին հաջողությունները: Այդպիսով մենք ցուցադրել ենք վերջին 4 տասնամյակում պատժամիջոցների պայմաններում մեր երկրի հնարավորությունները»:
Նա հավելել է, որ նշված զորավարժությունների ժամանակ տարբեր ԱԹՍ-ների կիրառումն այսօր թնաշմու սպառնալիքների դեմ Իրանի ամենաուժեղ կողմերից է:
