ՏԵՍԱՆՅՈՒԹ. Առնվազն 27 մարդ է զոհվել Եմենի «Ադեն» միջազգային օդանավակայանի վրա հարձակման հետևանքով
Առնվազն 27 մարդ է զոհվել Եմենի Ադեն միջազգային օդանավակայանի վրա հարձակման հետևանքով: Այս մասին, ինչպես հաղորդում է «Ալ-Հադաս» հեռուստաալիքը, ասել է Եմենի կառավարության ներկայացուցիչը: ՌԻԱ Նովոստիի հաղորդմամբ՝ օդանավակայանը հրթիռակոծվել է հուսիթների «Անսար Ալլա» շարժման վերահսկողության տակ գտնվող Թաիզ նահանգից: իր հերթին, Sky News Arabia հեռուստաալիքը հաղորդել է, որ օդանավակայանի մոտ անօդաչուի ձայն է լսվել նախքան պայթյունը: Քիչ առաջ տեղեկություն տարածվեց, որ Ադենում գտնվող պալատը, որտեղ ժամանել են Եմենի նոր կառավարության անդամներ, ենթադրաբար նույնպես հրթիռային հարվածի է ենթարկվել:
