Մենք երբ ուզենանք, կարող ենք գնալ Սյունիք, դուք Սյունիք չեք կարողանում գնալ. Մարուքյանը՝ իմքայլական պատգամավորներին
Որպես իշխանության պատգամավոր, Դուք պետք է գնայիք Սյունիք՝ ժողովրդի հետ խոսեիք, երբ ճանապարհը փակել էին, բացեին, որպեսզի վարչապետը կարողանար անցնել, ԱԺ ամբիոնից դիմելով իմքայլական պատգամավոր Արմեն Խաչատրյանին՝ ասաց «Լուսավոր Հայաստան» խմբակցության ղեկավար Էդմոն Մարուքյանը։
«Եթե Դուք դա չեք կարողացել անել, հիմա մեզ հրավիրում եք Սյունիք... Մենք երբ ուզենանք, կարող ենք գնալ Սյունիք, դուք Սյունիք չեք կարողանում գնալ։ Մեր դեմը չեն փակել, ձեր համար են փակած եղել ճանապարհը։
Պարոն Խաչատրյան, Դուք որպես Սյունիքի ընտրված պատգամավոր, լավ կանեք Ձեր մանդատը վայր դնեք՝ դրանով ցույց տալով Ձեր բողոքը», - ասաց Էդմոն Մարուքյանը։
Վերջինիս ելույթի ժամանակ պատգամավոր Արմեն Խաչատրյանը արձագանքում էր տեղից, գործընկերները նրան դուրս հանեցին դահլիճից։
