Վրաստանի խորհրդարանը կողմ է քվեարկել ԵՄ-ին և ՆԱՏՕ-ին ինտերգրվելուն

Վրաստանի խորհրդարանը միաձայն աջակցություն է հայտնել Եվրամիությանն ու ՆԱՏՕ-ին ինտեգրվելու հանրապետության ձգտման մասին բանաձևի նախագծին։

«Վրաստանի արտաքին քաղաքականության անայլընտրանքային առաջնահերթություն է հանդիսանում անդամակցությունը Հյուսիսատլանտյան պայմանագրի կազմակերպությանը։ Անդրատլանտյան միասնությունը համաշխարհային անվտանգության ամրապնդման կարևորագույն պայմանն է»,-ասվում է բանաձևի տեքստում, որին աջակցություն է հայտնել 81 պատգամավոր։

Նշվում է, որ արտաքին քաղաքականությունում Վրաստանի անայլընտրանքային առաջնահերթությունն է նաև լիարժեք անդամակցությունը Եվրամիությանը։ Բացի այդ, բանաձևում նշվում է, որ երկիրը կողմ է հանդես գալիս հակամարտությունների բացառապես խաղաղ կարգավորմանը։

Նշենք, որ վրացական նոր կառավարության ծրագիրը ստացել է «Եվրոպական պետության կառուցման համար» անվանումը։