Նիկոլ Փաշինյանի հրաժարականի պահանջով Երևանում մեկնարկել են անհնազանդության գործադուլն ու դասադուլը
Նիկոլ Փաշինյանի հրաժարականի պահանջով Երևանում մեկնարկել են անհնազանդության գործադուլն ու դասադուլը, ինչպես նաև անհնազանդության ակցիաները։
Փաստաբանների մեծ խումբ է միացել գործադուլին , որոնք այս պահին «Փաստաբանների պալատի» շենքի մոտից երթով շարժվում են դեպի ԱԺ, որտեղից էլ նախատեսվում է շարժվել դեպի ՀՀ գլխավոր դատախազության շենք։
Նրանք պատրաստվում են փոխանցել ԱԺ նախագահին՝ ռազմական դրությունը վերացնելու և վարչապետին անվստահություն հայտնելու պահանջը, փաստաբան հանդիսացող պատգամավորներին՝ «Իմ քայլը» խմբակցությունից դուրս գալու հորդորը, իսկ ՀՀ գլխավոր դատախազին՝ հանցագործության մասին հաղորդումը։
