Եկեղեցին շրջափակելու հորդորով հանդես եկած Արսեն Ավագյանի մասով ծառայողական քննություն է նշանակվել
Երեկ Սյունիքում միջադեպ տեղի ունեցավ, որը մեծ քննարկումների առիթ հանդիսացավ։
Վարչեպտ Նիկոլ Փաշինյանը Սյունիք կատարած այցի շրջանակներում եղավ նաև Սիսիանի Սուրբ Գրիգոր եկեղեցում։ Դուրս գալուց նա փորձեց ձեռքով բարևել եկեղեցու հոգևոր հովիվ Պարգև քահանային, ով հրաժարվեց բարևել Փաշինյանին։ Դրանից հետո «Քաղաքացիական պայմանագիր» կուսակցության անդամ Արսեն Ավագյանը, ով աշխատում է Սյունիքի ՀՀ քաղաքաշինության, տեխնիկական և հրդեհային անվտանգության տեսչական մարմնում, ֆեյսբուքյան իր էջում բոլորին հորդորել էր հավաքվել և շրջափակել եկեղեցին։
ArmDaily.am-ի հետ զրույցում ՀՀ քաղաքաշինության, տեխնիկական և հրդեհային անվտանգության տեսչական մարմնի ղեկավարի տեղակալ Արտուշ Գրիգորյանն ասաց, որ Ավագյանի մասով ծառայողական քննություն է նշանակվել.«Լսումների է հրավիրվելու աշխատակիցը»։
