Տեսանյութ՝ Սյունիքից. սյունեցին պատգամավոր Անի Սամսոնյանին առաջարկեց՝ ձերբակալել Նիկոլ Փաշինյանին

Պատերազմն ինչ սկսել է՝ 4-5 անգամ եկել եմ այստեղ, բայց չեմ նկարվել, գցել «ֆեյսբուք»։ Այս մասին այսօր՝ դեկտեմբերի 18-ին, Սյունիքի մարզի Գորիս համայնքում ճանապարհ փակած սյունեցիներին ասաց ԼՀԿ պատգամավոր Գեւորգ Գորգիսյանը։

Սյունեցին ԼՀԿ պատգամավոր Անի Սամսոնյանին առաջարկեց՝ ձերբակալել Նիկոլ Փաշինյանին։

«Դատախազը վաղուց իր մարդն ա»,- արձագանքեց Սամսոնյանը։

Ակցիայի մասնակիցներից մեկն էլ նշեց, թե ինչու է ԱԺ նախագահն իր աշխատակազմին պարգեւավճարներ բաժանում՝ Գորգիսյանն արձագանքեց. «Հավաքարարը 60 հազարի տեղը 90 հազար ա ստացել, ի՞նչ բողոքեմ, ձեռ եք առնո՞ւմ»։

Այնուամենայնիվ, երկար բանակցություններից հետո էլ սյունեցիները թույլ չտվեցին պատգամավորներին ճանապարհն անցնել և գնալ Կապան։