Քաղաքականություն

Պուտինն այսօր կրկին խոսել է Արցախի մասին

Պուտինն այսօր կրկին խոսել է Արցախի մասին
Այսօր ԱՊՀ անդամ երկրների ղեկավարների հեռավար հանդիպման ժամանակ ՌԴ նախագահ Վլադիմիր Պուտինը հայտարարեց, որ Ղարաբաղյան հակամարտության գոտում զինված բախումից անհանգստացած էին բոլորը՝ նշելով, որ այդ…

Այսօր ԱՊՀ անդամ երկրների ղեկավարների հեռավար հանդիպման ժամանակ ՌԴ նախագահ Վլադիմիր Պուտինը հայտարարեց, որ Ղարաբաղյան հակամարտության գոտում զինված բախումից անհանգստացած էին բոլորը՝ նշելով, որ այդ բախման մեջ ներգրավված էին մոտ երկրներ՝ Հայաստանն ու Ադրբեջանը. «Ցավոք, մարտական բախումները հանգեցրեցին բազմաթիվ զոհերի, սրեցին Անդրկովկասում առանց այդ էլ սրված իրավիճակը՝ ընդհանուր առմամբ մեծացնելով ահաբեկչական սպառնալիքի տարածման ռիսկերը:

Արդեն նշվեց, որ Ռուսաստանը կոնկրետ միջնորդական ջանքեր գործադրեց արյունահեղությունը դադարեցնելու, մարտական գործողությունների ամբողջական դադարեցման և կայունացման գործընթացի սկսվելու համար»:

Պուտինի խոսքերով, վերոնշյալ նպատակով հետևել են ԵԱՀԿ ՄԽ շրջանակներում ձեռք բերված սկզբունքային պայմանավորվածություններին։

«Ինչպես հայտնի է, նոյեմբերի 9-ին եռակողմ հայտարարություն է ստորագրվել ու կարևոր է, որ այն ընդհանուր առմամբ հետևողականորեն իրագործվում է: Շփման գծում տեղակայված խաղաղապահներն անում են ամեն ինչ, որպեսզի թույլ չտան իրավիճակի նոր սրացումը»:

ՌԴ նախագահը նշեց, որ հիմա պետք է հոգ տանել տուժած շրջաններում մարդկանց հումանիտար օգնություն ցուցաբերելու մասին: Նա առանձին խոսեց նաև մշակութային ու կրոնական հուշակոթողների վերականգնման անհրաժեշտության մասին:

 

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7450) Միջազգային (3251) ԱՄՆ (2285) Ռուսաստան (2105) Իրան (1736) Ընտրություններ (1273) Ուկրաինա (824) Երևան (798) Իսրայել (759) Ադրբեջան (621) Փաշինյան (560) Եվրոպա (510) Ընդդիմություն (437) Թրամփ (430) Ազգային ժողով (417)

Radio Aurora

Լսել Radio Aurora

Գովազդային տարածք

300x250