Ընդդիմությունը վարչապետի միասնական թեկնածու առաջադրեց Վազգեն Մանուկյանին
Ընդդիմությունը վարչապետի միասնական թեկնածու առաջադրեց նախկին վարչապետ Վազգեն Մանուկյանին:
«Հայրենիք» կուսակցության ղեկավար Արթուր Վանեցյանը լրագրողների հետ զրույցում ասաց, որ նրա գործառույթն է լինելու երկիրը դուրս բերել այս ծանր իրավիճակից և մեկ տարի անց կազմակերպել ազատ և արդար խորհրդարանական ընտրություն, որին Վ. Մանուկյանը չի մասնակցելու, որևէ մեկի թեկնածությունը չի պաշտպանելու:
Վանեցյանի խոսքով՝ մանրամասները կհրապարակեն շաբաթ օրը՝ ժամը 15:00-ին կայանալիք հանրահավաքում: «Նիկոլ Փաշինյանի՝ մեկ րոպե ավելի իշխանության ղեկին մնալը ազգային անվտանգության սպառնալիք է»,-հավելեց Վանեցյանը:
