Մարդիկ չգիտեն իրենց ի՞նչ է սպասվում. թշնամին իրենց տներից ընդամենը մի քանի մետր հեռավորության վրա է. Խնձորեսկի համայնքապետ

Սյունիքի մարզի Խնձորեսկ համայնքի ղեկավար Երվանդ Մալունց. «Խայտառակ վիճակ է, սահմանը Խնձորեսկի վերջին տնից ընդամենը 600 մետր է հեռու: Մարդիկ անասունները ծախում են, ահավոր խայտառակ վիճակ է: Ադրբեջանցիները հիմա չափագրումներ են անում, դեռ չեն մոտեցել, չգիտեմ հետո ինչ կլինի»:
Կապիտուլյացիայի փաստաթղթի ստորագրումից հետո Սյունիքի մարզի բազմաթիվ գյուղեր դարձել են սահմանամերձ, այդ թվում՝ Խնձորեսկ համայնքը: Մարդիկ չգիտեն իրենց ի՞նչ է սպասվում, ինչպե՞ս են ապրելու այն դեպքում, երբ թշնամին իրենց տներից ընդամենը մի քանի մետր հեռավորության վրա է, նշել է համայնքապետը armlur.am-ի հետ զրույցում: