Ռուս խաղաղապահներն արդեն իջեցրել են Բերձորի քաղաքապետարանի շենքի վրա ծածանվող Արցախի դրոշը. Ղարիբյան
Լրագրող Արման Ղարիբյանը ֆեյսբուքյան իր էջում գրում է․
Քաշաթաղի վարչակազմի աշխատակազմի ղեկավար Դավիթ Դավթյանի խոսքով՝ վարչակազմը 200 հոգանոց ցուցակ է տրամադրել ռուս խաղաղապահներին, որպեսզի Բերձորը ՍՊԱՍԱՐԿՈՂ (աղբահանություն, ջրամատակարարում, սանիպետկայան և այլն) անձնակազմին անցաթուղթ տրամադրեն Բերձորում գտնվելու նպատակով։ Իսկ հիմնական բնակչությունը պետք է դուրս գար այսօր՝ մինչև 18։00ն։
Դավթյանի խոսքով՝ ռուս խաղաղապահներն արդեն իջեցրել են Բերձորի քաղաքապետարանի շենքի վրա ծածանվող Արցախի դրոշը, իսկ վարչակազմի շենքի վրայի դրոշը դեռ տեղում է։
Հրապարակման մեկնաբանություններում Ղարիբյանը գրել է, որ անձամբ ինքն է խոսել վարչակազմի ղեկավար Դավիթ Դավթյանի հետ։
«Երեկ երեկոյան ասել են, որ այդ երեք համայնքները մնում են, այսօր առավոտյան ասել են՝ դուրս պիտի գան մինչև 18:00-ն»,-հավելել է լրագրողը։
