Ավագանու անդամներ Արսեն Կարապետյանը դրել է մանդատը, իսկ Իզաբելա Աբգարյանը դուրս է եկել «Իմ քայլից»
Երեւանի ավագանին այսօր՝ նոյեմբերի 24-ին իր հերթական նիստն է հրավիրել: Այն վարում է Երեւանի քաղաքապետի առաջին տեղակալ Հրաչյա Սարգսյանը, քանի որ քաղաքապետ Հայկ Մարությանը վարակվել է կորոնավիրուսով:
Փոխքաղաքապետը նշեց, որ ավգանու «Իմ քայլը» խմբակցությունից Արսեն Կարապետյանը դիմում է ներկայացրել իր լիազորությունները դադարեցնելու մասին: Բացի այդ, «Իմ քայլից» Իզաբելա Աբգարյանը դիմում է ներկայացրել խմբակցությունից դուրս գալու մասին, բայց նա մնում է ավագանու անդամ:
