Հասարակություն

Արա Այվազյանը հեռախոսազրույց է ունեցել ԱՄՆ փոխպետքարտուղարի հետ. քննարկվել է նաև ԼՂ հարցը

Արա Այվազյանը հեռախոսազրույց է ունեցել ԱՄՆ փոխպետքարտուղարի հետ. քննարկվել է նաև ԼՂ հարցը
ԱՄՆ պետքարտուղարի տեղակալ Սթիվեն Բիգանն այսօր հեռախոսազրույց է ունեցել Հայաստանի ԱԳ նախարար Արա Այվազյանի հետ: Այս մասին հայտնում է ԱՄՆ պետքարտուղարության մամուլի ծառայությունը:«Պետքարտուղարի տեղակալ…

ԱՄՆ պետքարտուղարի տեղակալ Սթիվեն Բիգանն այսօր հեռախոսազրույց է ունեցել Հայաստանի ԱԳ նախարար Արա Այվազյանի հետ: Այս մասին հայտնում է ԱՄՆ պետքարտուղարության մամուլի ծառայությունը:

«Պետքարտուղարի տեղակալ Բիգանը ողջունել է Այվազյանի նշանակումը ԱԳ նախարարի պաշտոնում և հույս հայտնել ԱՄՆ-Հայաստան հետագա սերտ համագործակցության համար: Նրանք քննարկել են տարածաշրջանին ԱՄՆ-ի մարդասիրական աջակցությանն ու Լեռնային Ղարաբաղի հակամարտության խաղաղ կարգավորմանն ուղղված բանակցությունների շուրջ տարվող ջանքերին առնչվող հարցեր»,- ասվում է Պետքարտուղարության հաղորդագրության մեջ: 

Հիշեցնենք, որ Նիկոլ Փաշինյանը նոյեմբերի 10-ին ստորագրել է եռակողմ հայտարարություն, որով Ադրբեջանին են անցնում Արցախի յոթ շրջանները, Շուշին ու Հադրութը, բացառությամբ մի գյուղի, գյուղեր Ասկերանի ու Մարտունու շրջանից, ինչպես նաև Մարտակերտի շրջանի Թալիշ և Մատաղիս գյուղերը։

Ըստ այդ հայտարարության՝ Լեռնային Ղարաբաղում շփման գծի երկայնքով և Լաչինի միջանցքի երկայնքով տեղակայվում է Ռուսաստանի Դաշնության խաղաղապահ զորախումբ, այդ թվում՝ հրաձգային զենքով զինված 1960 զինծառայող, 90 զրահամեքենա, 380 միավոր  ավտոմոբիլային և հատուկ տեխնիկա: ՌԴ խաղաղապահների տեղակայումն Արցախում արդեն ավարտին է հասցվել: 

Նմանատիպ հոդվածներ

Ավելին Հասարակություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7475) Միջազգային (3286) ԱՄՆ (2293) Ռուսաստան (2109) Իրան (1742) Ընտրություններ (1273) Ուկրաինա (828) Երևան (799) Իսրայել (759) Ադրբեջան (623) Փաշինյան (561) Եվրոպա (510) Ընդդիմություն (437) Թրամփ (430) Ազգային ժողով (417)

Radio Aurora

Լսել Radio Aurora

Գովազդային տարածք

300x250