Ղարաբաղում ականի պայթյունի հետևանքով ադրբեջանցի սպա է մահացել

Ռուսաստանի պաշտպանության նախարարությունից հայտնել են, որ Լեռնային Ղարաբաղում ականի պայթյունի հետևանքով ադրբեջանցի սպա է մահացել։ 

«Մատաղիս  բնակավայրի տարածքում աշխատանքների ընթացքում ական է պայթել: Պայթյունի հետևանքով վիրավորվել է խաղաղապահ ուժերի ռուսական զորամիավորման սպա: Մահացել է Ադրբեջանի զինված ուժերի մեկ սպա: Լեռնային Ղարաբաղի Արտակարգ իրավիճակների նախարարության ևս չորս աշխատակիցներ տարբեր ծանրության վնասվածքներ են ստացել: Ռուս զինծառայողը տեղափոխվել է Բաքու, որտեղ ստացել է անհրաժեշտ բժշկական օգնությունը: Նրա կյանքին վտանգ չի սպառնում», - ասվում է հաղորդագրության մեջ: