SpaceX-ը տիեզերք է արձակել նոր սերնդի արբանյակը
Ամերիկյան SpaceX ընկերությունը երեկ իրականացրել է Falcon 9 հրթիռակրի արձակում՝ նոր սերնդի Sentinel-6 օդերևութաբանական արբանյակով: Այն նախատեսված է Համաշխարհային օվկիանոսի մակարդակի փոփոխություններին հետևելու համար: Հրթիռն արձակվել է Կալիֆոռնիա նահանգում գտնվող «Վանդենբերգ» ռազմաօդային ուժերի ավիաբազայից:
ТАСС գործակալությունը փոխանցում է, SpaceX-ի մասնագետներին հաջողվել է Երկիր վերադարձնել հրթիռակրի առաջին աստիճանը: Այն վայրէջք է կատարել արձակման վայրի մոտ մեկնարկից 8 րոպե անց: Աստիճանների բազմակի կիրառումն Իլոն Մասկի ընկերությանը թույլ է տալիս նվազեցնել սարքավորումների՝ ուղեծիր արձակման համար արվող ծախսերը:
